حورية فرغلي لـ محمد رمضان : خف شوية تصرفاتك حاول تفكر فيها
حلت الفنانة حورية فرغلى ضيفة على برنامج ET بالعربي وكشفت عن مكالمة الفنان محمد رمضان لها بعد تصريحاتها الأخيرة بأنها من صنعت اسمه في السينما.
وقالت حورية فرغلي:” محمد رمضان تواصل معي بعد حالة الجدل المثارة على السوشيال ميديا وقالي أنتِ زعلانة مني، قولتله لا ياحبيبي هزعل منك ليه أنا مشوفتكش من فيلم قلب الأسد قالي أصل بيقولوا إنك زعلانه مني، قولتله أنا برد عليك أهو مش زعلانة منك لو زعلانة هقولك.
وتابعت حورية فرغلي: أنا مقولتش إني عملت محمد رمضان، مين أنا علشان أعمل محمد رمضان ربنا اللي عمله، هو اللي حبب الشعب المصري فيه، أنا كنت سبب من أسباب أن فيلم عبد موته نجح.
ووجهت حورية فرغلي نصيحة لمحمد رمضان قائلة :” خف شوية تصرفاتك حاول تفكر فيها لأنك اللي في قلبك على لسانك، مشيرة إلى أنها تتمنى العمل معه مرة أخرى، في حالة أن يكون العمل إضافة لها في مسيرتها الفنية.
