رامي صبري يطرح “لما بيوحشني” من ألبوم “معايا هتبدّع”

طرح الفنان رامي صبري عبر قناته الرسمية بموقع يوتيوب أغنية “لما بيوحشني”، إحدى أغنيات ألبومه الغنائي الجديد “معايا هتبدّع”.

الأغنية من كلمات احمد علي موسى وألحان رامي صبري وتوزيع طارق توكل.

كلمات الأغنية :

لما بيوحشني بطلع صورته واكلم فيه

واسأله عن حاله وعن أحواله وعامل إيه

وبقوله وحشتني جدا .. وفرقت معايا وفعلا مش قادر ع الشوق ولا عارف حتى اخبيه

يا ع الدنيا لما تفكر تعاندنا ليه على غفله ..

عن اغلى الناس تبعدنا ليه وفي ثانية تاخد مننا حبايبنا يا ع الدنيا.

وتعدي ساعات وانا ماسك صورته وبحكي معاه

ماهو أكتر واحد أنا بعرف افضفض وياه

كان أكتر قلب فاهمني كان دايما بيطمني وعشان كدا أنا مش ممكن أنساه..

يا ع الدنيا لما تفكر تعاندنا ليه على غفله ..

عن أغلى الناس تبعدنا ليه وفي ثانية تاخد مننا حبايبنا يا ع الدنيا.

وعلى مدى الأيام الماضية، طرح رامي صبري أغنيتين من الألبوم الجديد الأولى هي “معايا هتبدّع”، من كلمات وألحان عزيز الشافعي، وتوزيع طارق توكل.

والأغنية الثانية هي “يمكن خير”، كلمات أحمد علي موسى، وألحان رامي صبري، وتوزيع طارق توكل.