سماح أنور: الموت ده حبيبي … عايزة اعرف اللي خلق الناس عامل ازاي واقعد مع ربنا
تحدثت الفنانة سماح أنور عن رغبتها الشديدة في الموت منذ صغرها، كاشفة عن الأسباب وراء ذلك!
قالت سماح أنور: “الموت ده حبيبي مش بخاف منه، لكن أنا بخاف من الحياة، طول عمري نفسي أموت، لأن أنا عارفه اللي في الحياة لكن لما أموت هعرف اللي جاي، وفي نفس الوقت عاوزه اعرف إذا كان الناس لذيذة جدًا كده أمال اللي عملهم بقى عامل إزاي”، ذلك خلال استضافتها في برنامج “لحظات جريئة”، المذاع على قناة “القاهرة والناس” الفضائية.
وتابعت: أنا عاوزه أقعد مع ربنا لكن مش عاوزه أقعد مع اللي خلاص عرفته. الموضوع زي ما تكون في فيلم وقرب يخلص فعاوز تقوم بقى عشان تشوف هتروح فين تاني، عاوزه طول الوقت اعرف ما بعد حياتنا، لأن إحنا مصعبنها أوي على بعض، فحاجة خنقة. وأكيد الوضع بعيد عن الكوكب ده أكيد هيبقى أفضل.
يشار إلى أن سماح أنور شاركت في رمضان 2019 في الحدوتة الثالثة من مسلسل “بدل الحدوتة 3” مع دنيا سمير غانم.
