شريف منير عن مهاجمي ابنته: “اشتكيتكم لربنا”
علّق الفنّان شريف منير على حملة الهجوم التي تعرّضت لها ابنته أسما منير عقب انتقادها للشيخ الراحل متولى الشعراوي.
وقال في تعليقه عبر حسابه على “فايسبوك”، تعليقاً على بعض رسائل الهجوم: “تفتكروا لو فضيلة الإمام محمد متولي الشعراوي على قيد الحياة وقرأ دفاع الناس عنه وعن الدين الإسلامي بالتعليقات دي، كان هيبقى رأيه إيه؟ ملحوظة أنا آسف على الألفاظ النابية اللي أكيد يعاقب عليها القانون، متهيألي مش محتاج أعمل محضر، في مباحث الإنترنت عن الأشخاص المحترمين اللي علقوا، أكيد عندهم علم”.
وتابع: “ده جزء بسيط من مجمل التعليقات المؤذية ليا ولبنتي ولكل عيلتي، يا ريت كل أب وكل بنت يحطوا نفسهم مكاني أنا وبنتي، محمد ناصر طلع وقال إني مكنتش معترف إن أسما بنتي، ولسه معترف بيها قريب بعد مشاكل بيني وبين والدتها الله يرحمها”.
اختتم شريف منير منشوره قائلًا: “إنتم متخيلين الافتراء والخوض في الأعراض وصل لفين؟ محمد ناصر وكل اللي علقوا بالأذى ده أنا اشتكيتكم لربنا وهتشوفوا النتيجة قريب جدًا، ده إحساسي اللي أنا مصدقة، آسف للإطالة”.
