كشفت الفنانة شيرين عبد الوهاب خطة طرح أغانيها الجديدة في الفترة القادمة.
وقالت شيرين خلال لقائها مع الإعلامي عمرو أديب ببرنامج “الحكاية” عبر قناة MBC مصر: “تم التصالح مع شركة روتانا، وأستاذ سالم الهندي وعدني بنزول 4 أغاني قريب جدا”.
وأضافت: “الألبوم هينزل لكن متقسم 4 أغاني في كل موسم، علشان نجس البض ونشوف الناس حابة تسمع إيه، سواء في الصيف أو الشتا أو في الربيع، وكل موسم له الأغاني اللي تليق عليه”.
وتابعت: “في أغاني حلوة كتير إن شاء الله تعجب الناس”.
تحدثت شيرين خلال اللقاء عن رأيها في المشهد الموسيقي حاليا قائلة: “المزيكا زي الفل، بس كل واحد بيقتني نوع المزيكا اللي هو عايزه”
وأضافت: “لو أنا سهرانة في مكان وعايزة أرقص مش هسمع أم كلثوم، هسمع ويجز والشباب الجداد، لكن لما أكون في البيت مولعة شمعتين، وعايزة أعمل دماغ حلوة بالمزيكا هسمع عبد الحليم وأم كلثوم، وأنا بعمل كده وأنا بطبخ”.
وطمأنت شيرين عبد الوهاب جمهورها على تطورات الإصابة التي تعرضت لها، خلال إحيائها حفلا غنائيا في دبي قبل أيام قائلة: “جابولي الدكتور اللي بيعالج كريستيانو رونالدو عمللي علاج طبيعي، ونزلت الملعب علطول”.
وتابعت: “بقالي 3 أيام بعمل علاج طبيعي وبيربط رجلي بحاجات جديدة بطريقة معينة ريحتني جدا، وطبعا أشكرهم هنا جدا إنهم اهتموا برجلي علشان أنا ماردونا”.
