فيديو- آمال ماهر في عيد الحب “ماتسبنيش”
طرحت الفنانة آمال ماهر فيديو كليب أغنيتها الجديدة “ماتسبنيش” بمناسبة عيد الحب، من كلمات أمير طعيمة وألحان خالد عز وتوزيع نادر حمدى، والفيديو كليب تم تصويره فى باريس مع المخرج العالمى نيهات أوداباسي.
ماتسبنيش .. لحظة أعيش
غير وأنا جنبك جوه فى قلبك .. ماتسبنيش
ماتقوليش .. وماتحكيش
بس احضنى وقرب منى .. ماتسبنيش
خلينى أعيش .. فى زمان غير الزمان
ودينى لدنيا تانية أعيش معاك .. خدنى بهواك أبعد مكان
مش عايزه أشوف بعيونى الا أنت بس
علشان دايماً بحس .. فى وجودك بالأمان
تعرف ايه .. حاسه انا بيه
حاسه كأن دى أول مره حبيبى أعيش
وهقول ايه .. وهقول ليه
مانا لو حتى ماقولتش عينى مابتخبيش
وقال الشاعر أمير طعيمة إن الأغنية حالة رومانسية جديدة للنجمة آمال التى تتمتع بصوت عذب وهادئ، مشيراً إلى أنه أثناء جلسات العمل على “التراك” لم نحدد المطرب أو المطربة المقرر أن يغنيها و”تليق على صوته”، وعندما انتهينا من الكلمات واللحن والتوزيع وجدنا أن النجمة أمال ماهر الأنسب لتلك الأغنية الرومانسية والفريدة من نوعها ، لافتا إلى أن القرار من البداية أن نقدم أغنية رومانسية لـ أمال، وهو ما استقرينا عليه كفريق عمل.
