موقف غريب لسمية الألفي مع ليلى علوي في عزاء الفيشاوي
أوضحت الألفي خلال حوارها مع الإعلامي عمرو الليثي ببرنامج “واحد من الناس” على قناة “النهار”، أنها خلال تصوير فيلم “الموظفون في الأرض” مع ليلى علوي، تحدثتا في الكواليس عن الفيشاوي، مضيفة: “كانت هي خلاص علاقتها بفاروق انتهت وانا كنت عارفه، فاروق نجمه خفيف اوي وكنت بعرف على طول حتي من غير حد ما يقولي”.
تابعت: “كنا في بريك ومريحين أنا وهي على السرير جنب بعض، قالت لي على فكرة أنا بعد ما عرفتك كويس وقربت منك، وقربت من فاروق وعرفته كويس يتعملك تمثال في ميدان التحرير، قولتلها ليه يا ليلى ده فاروق لذيذ، قالت لي اه هو لذيذ بس متعب وشقي قولتلها اه قالتلي انتي كنتي مستحملة ده ازاي”.
أكدت سمية أنها لم تنزعج من ليلى علو بسبب علاقتها بالفيشاوي، مضيفة: “ليلى لما راحت المسجد في وفاته، جات حضتنتي وبتعزيني.. وقتها طلعت مني كلمة غريبة أوي معرفش ازاي.. قولتلها حبيبنا راح وبكينا”.
يذكر أن الفنان فاروق الفيشاوي رحل عن عالمنا رحل عن عالمنا يوم الخميس 25 يوليو، عن عمر يناهز 67 عاما، بعد صراع طويل مع المرض.
