ميمي جمال تكشف سر طلاقها من حسن مصطفى
وقالت ميمي جمال في مقابلة تلفزيونية: “الطلاق كان بسبب بنت عندها 18 سنة حاولت تلعب عليه وقت ما كانت بتعمل استعراضات مسرحية من مسرحيات حسن، وكانت تدخل أوضته وقت البروفات، وتتكلم معاه وتوريله أنها كاتبة حروف اسمه على ضوافرها بالمانيكير”.
وأضافت: “حسن وقتها كان كبير في السن، والحركات دي كانت غريبة عليه، عشان كده كان حابب اللي هي بتعمله، ووصلها بالعربية لبيتها مرة أو مرتين، وكل ده من غير ما أعرف حاجة”.
وتابعت: “أنا في الفترة دي كنت مشغولة وبصوّر في القاهرة، وهو كان في إسكندرية عشان مسرحيته ومعاه البنات عشان يصيفوا وهما كمان كانوا ميعرفوش حاجة، لكن ربنا أراد أن أنا أعرف عن طريق البنت اللي كانت بتقطع تذاكر المسرح”.
وأضافت: “بعد ما فهمت الموضوع قررت أن أواجهه، وأول ما شوفته سألته وصلّت الهانم؟، وهو اتصدم وقتها وحاول يلم الموضوع عشان اسكت، لكن أنا صممت على الطلاق منه”.
وأوضحت أنها قررت أن تتعامل مع الموضوع وكأنه نزوة في حياة حسن، وأن تنسى هذه القصة وتتعامل معه على اعتبار أن شيئا لم يحدث خاصة أن بناتها كانوا صغارًا، مشيرة إلى شعورها بالغضب تجاهه بسبب تنازلها عن حقها.
واختتمت حديثها قائلة: “بدأ الحب بينا ينقص، والشغل يبعدنا عن بعض بشكل كبير، واهتمامنا ببعض وبالبيت قل عن الأول، وده زود المشاكل اللي بينا فقررنا أننا نتطلق”.
وعبرت عن شعورها بالندم خلال هذه الفترة، لذلك طلبت مساعدة المؤلف والمنتج المسرحي سمير خفاجي باعتباره صديق مشترك بينهما، فكان له الفضل في عودتهما مرة أخرى واستكمال حياتهما سويا.
مسلسل “وش وضهر” هو آخر أعمال الفنانة القديرة ميمي جمال، وشاركت في بطولته بجانب إياد نصار، ريهام عبد الغفور، محسن منصور، ثراء جبيل، إسلام إبراهيم، والعمل تأليف ورشة سرد، وسيناريو وحوار شادي عبدالله وأحمد بدوي وإخراج مريم أبو عوف.
