هجيب حقي بالقانون.. مطرب شهير يتوعد حمو بيكا
وكتب محمد شاهين: “أنا مش بتاع لايف وأتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة”.
وتابع شاهين: “من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف، كلمت حمو بيكا قولتله إزاي.. قالي أنا هنزل في العيد 6 أغاني”.
وأضاف: “بكلمه في حقوق الأغنية أقل حاجة في حقي يرود يقولي (أنا هاخد الحقوق كلها ) على أساس إن النجم المحترم هيعرفني بالناس على أساس إن النجم المحترم أنا شغال عنده”.
وأكد شاهين: “رديت قولتله الكلام ده مش هينفع وقفلت معاه بعديها بعت لي مصمم البوستر وقالي إن الأغنية مش هتنزل أتفاجئ النهارده بنزولها بدون علمي على أساس أيه.. أنا هعرف أجيب حقي كويس بالقانون”.
