والدة محمد أسامة: هنحذف كليب “كام ملاحظة” بعد الجدل عليه.. ومش هنعمل كليبات تاني

أعربت والدة الطفل محمد أسامة، عن استيائها الشديد، من الانتقادات التي تعرض لها نجلها خلال الساعات الماضية بعد طرحه أغنية كام ملاحظة، واتهامه بالتحرش اللفظي للمعلمة، مؤكدة أنه لا يقصد أن يسيء للمدرسات.

وقالت والدة محمد أسامة، في تصريحات خاصة لـ القاهرة 24: أنا قررت نحذف الفيديو كليب، ونسيب الأغنية تكون على صورة، ومدير أعمال محمد كلم المخرج على حذف الأغنية وقاله عادي نحذفها.

وتابعت والدة محمد أسامة: مش هنعمل فيديو كليب تاني، وبعد مدة كل أغاني محمد هتنزل بصوره فقط.

وعن  الانتقادات التي تعرض لها نجلها في أغنية كام ملاحظة، قالت والدة محمد أسامة:  قصة الفيديو كليب لم يكن المقصود بها أي إساءة للمدرسين، كما قال البعض على مواقع التواصل الاجتماعي، مفيش فيها أي معاكسة للمدرسين نهائي، الموضوع كان بمناسبة دخول المدارس.

وتابعت والدة محمد أسامة: هو المفروض بيلهي المعلمة علشان بيعاكس بنتها، إنما الحقيقة مش فاهمة الناس ليه كل حاجة بياخدوها على محمل الغلط، استحالة إن في ولد هيعاكس معلمته.

وكان الطفل محمد أسامة، طرح مؤخرا أغنية كام ملاحظة، عبر قناته الرسمية بموقع الفيديوهات الشهير، يوتيوب.

وجاءت كلمات أغنية كام ملاحظة، كما يلي: عندي كام ملاحظة، على الجمال ده لحظة، لحظة بس أقولك، إنك أنتي كلك ابتكار مفيش هزار، مفيش فيها شك لحظة، رأي فرق سني، أو خد طب فكرة عني، أصلك لفتي نظري ما أنا برضه ليا عذري، كلمتين من القلب ليكس، مش جاي عليكس هغني، الليلة عازمك أقبلي بقى مني، أنتي لوحدك في العين وفي النني، خليني أغازلك أصلك مجنناني مجنناني.