كشف الفنان عصام كاريكا عن مفاجأة بشأن أحد ضيوف برنامج رامز جلال من خلال حديثه على قناة “القاهرة اليوم”،قائلًا: “كان في ضيف في حلقة من حلقات البرنامج الرابعة أو الخامسة كان عندي معاد معاه وقالي استنا بس هروح أصور مقلب لرامز وأرجع وقالي إيه هو المقلب والغريب إنه طلع في الحلقة وحلف إنه ميعرفش”.
وأشار:”أن الأموال التي كان يحصل عليها لم تكن كثيرة مقارنة بما يحدث الآن وقال “دلوقتي بيدفعوا فلوس كتير وقبل ما أقع ضحية للمقلب كانوا بيتصلوا بيا يقولولي في مقلب لرامز جلال”.
وأكد عصام كاريكا إنه كان يقع ضحية لمقلب رامز جلال على الرغم من معرفته المسبقة للمقلب مضيفا “برامج رامز بتتشاف جامد جدا ولو عملت أي حاجة الناس هتتكلم عنها وليه مروحش البرنامج”
وأوضح:” أنا لم اكتشف هيفاء وهبي، وكانت تقدم برنامجا تلفزيونيا يحمل اسم عملوها إزاي مع الفنان أحمد السقا، وكنت بروح نعزف حاجات ونغني وكان عندها الشغف للغناء.
وواصل كاريكا:” هيفاء مطربة استعراضية وليست مطربة، واللون ده الناس بتحبه، وهيّ معتمدة على الأداء وأنا كنت بشجعها لأنها كانت استايل، واستغلت جمالها لأن مكنش فيه بنات حلوة في الوقت ده”.
واختتم:” ومحصلش نصيب نتعاون مع بعض لأني لسه موصلتش لشكل الأغاني الخفيف بتاع هيفاء وهبي، وإحنا علاقتنا كويسة وبهنيها في عيد ميلادها، ولو شوفنا بعض بتسلم عليا”.
آخر أعمال عصام كاريكا
والجدير بالذكر أن عصام كاريكا ابتعد عن الوسط الفني بعد تلحينه مسرحية لوكاندة الأوباش عام 2019، من إخراج أشرف زكي، وتأليف محمد عز الدين، وشارك في المسرحية العديد من الفنانين، من بينهم حسن الرداد، مايا دياب، ماجد المصري، هالة فاخر، حمدي الميرغني، وحسن الصغير
