تامر حسني للجمهور: طلبي الوحيد تدعو لأولادي
كتب تامر عبر حسابه على Facebook: “كنت عايز أرد عليكم بكرا في يوم عيد ميلادي بس شايفكم محتفلين بدري.. الحقيقة أنا مش بعمل عيد ميلادي خالص بس ربنا رزقني بجمهور زي أهلي بالظبط بيحتفل بيه دايماً وأصحاب كل سنة يعملوا لي مفاجأة من غير ميقولوا بس بقفشهم برضو وبعرف وبضطر اتفاجيء تقديراً لمجهودهم”.
تابع: “المهم أنا بشكر كل شخص فيكم على الكلام الجميل اللي بقالي أسبوع بقراه وبسمعه منكم وبشكر كل أهلي وأصحابي وفريق عملي وطلبي الوحيد إنكم لما تفتكروني تدعوا لأولادي تاليه وأمايا وآدم.. مليون شكراً يا أغلى الناس”.
على صعيد آخر، ينتظر تامر حسني عرض فيلمه الجديد “مش أنا”، الذي تدور قصته حول حالة نفسية ما تصيب “حسن” تامر حسنى، وتربطه علاقة قوية جدا بوالدته المريضة وهى الفنانة سوسن بدر، حيث يحرص دائمًا على الجلوس معها أطول وقت ممكن ومراعاتها والعناية بها فهى محور حياته”.
فيلم “مش أنا” يشارك فى بطولته بجانب تامر حسنى، كل من ماجد الكدوانى، سوسن بدر، حلا شيحة، بالاضافة لعدد كبير من الفنانين، الفيلم قصة وسيناريو وحوار تامر حسنى، وإخراج سارة وفيق. الفيلم انتاج مشترك بين شركة سينرچى وحسام حسنى وأحمد دسوقى.
