عمرو مصطفى في “العرافة”: الهضبة اتشهر بسبب أعمالي… وتامر حسني صحابه بيجاملوه

حل الملحن عمرو مصطفى ضيفا على برنامج “العرافة” مع الإعلامية بسمة وهبة عبر قناة “المحور”.

وخلال الحلقة تحدث عمرو مصطفى عن الكثير من الأسرار، وفي النقاط التالية ونرصد لك أهم تصريحاته مع “العرافة”…

– أتحفظ الحديث عن حياتي الشخصية، وأن علاقتي بزوجتي عمرها 18 عامًا، ومن الطبيعي أن نمر بفترات مختلفة، ومراتي مش بتزعل مني، وفيه حاجات ما بينا، ولكنها بتعدي.

– مبحبش الكلام عن الحاجات الحلوة، وبشوف الناس اللي بتكشف عن علاقتها الحلوة قدام الناس بينتهي بالطلاق والانفصال، بسبب العين والنبر.

– مستحيل أخون الإيد اللى اتمدت ليا وساعدتني في يوم من الأيام، وفيه ناس في حياتي كل يوم كنت بديهم فرصة، ولكن بعد استنزاف كل الفرص برجعه للمربع صفر، وهذا المربع ممنوع فيه الوصول ليا تاني.

– بحب اللي بينتقدني واللي بيمدحني مبحبوش.

– أنا مثل أي إنسان في علاقته مع الشيطان، ساعات بنتصر عليه، ودربت نفسي الفترة اللي فاتت بشكل كويس في تعاملي أمام الناس.

– كنت سأوافق على أي أجر حال تلحيني الأغنية الوطنية التي قدمها عمرو دياب، فأنا استفزيت أني معملتهاش لأن أنا أولى واسمى مرتبط بيه أكتر واحد، بس اتخذلت.

– طلبت من الشاعر تامر حسين 9 أغاني، من بينهم أغنية للفنانة شيرين، بجانب أغاني أخرى مع محمد منير وإليسا ونانسي عجرم ومحمد حماقي، وجميعها ستتاح في الأسواق قريبًا.

– قدمت واكتشفت ناس كتير، زي حسن الشافعي، بأول أغنية، وبعدها عمرو دياب اشتغل معاه وعادل حقي.

– حصلت على إجازة من التلحين لمدة سنة ونصف حتى أكون بجانب أولادي في سن المراهقة، وقمت بالعمل 20 عاماً مع عمرو دياب وفلوس شغلي معاه جبتها في فرحين أعملهم في يوم واحد.

– هناك أمور لا يجب أن يعلمها المستمع وتكون بين الفنانين والملحنين، أنا إنسان مخلص، وعمرو دياب اتشهر بسبب ألحاني.

– عمرو دياب قدم أغنية وطنية من غيري، وبعدها مفرقش معايا حاجة وقلت مع السلامة.. وشعرت إن الهضبة خذلني، وأديته كتير، وقررت عدم التعاون معه مرة أخرى.

-أحب الملحن شريف تاج، وأتمنى ظهوره مرة أخرى على الساحة الفنية، حيث قدم أشياء مميزة مثل “سيدي وصالك”.

– لا توجد أي مشكلات بيني وبين المطربين في مصر الفترة الحالية، وأنا مش بتخانق ولا بتصالح، ومفيش خلاف بيني وبين شيرين.

– أنا أسطورة الجيل الحالي قدمت 2000 أغنية ناجحة، وكل واحد عامل 5 أغاني وفرحان بيهم، أنا عامل 1000 أغنية تريند.. وتاريخ عمرو دياب كله آخر 20 سنة بتاعي.

– موسيقى أوركسترا احتفالية موكب المومياوات الملكية مبهرة، واللي ميفرحش بحفل زي دا ويتجرد من انتماءاته يبقى مش طبيعي.

– الملحن هشام نزيه محظوظ لعزف أوركستيرا كاملة لموسيقاه في احتفالية موكب المومياوات، ولتوافر الإمكانيات لإبراز أعماله.

– أنا غيور على أعمالي، ولا أؤمن بوجود الصداقة بين أصحاب نفس المجال لوجود المنافسة بينهم.

– كل ملحن بيعمل أغنيتين الناس بتقارنه ببليغ حمدي، وأيه هو تاريخ ومسيرة تامر حسني؟ لسه قدامه كتير وأصحابه بيجاملوه.