دخل الفنان عمرو مصطفى حلبة المعركة بين الفنانتين أنغام وشيرين عبد الوهاب حول لقب «صوت مصر»، حيث عبر عن رأيه في الجدل القائم بين الفنانة شيرين عبد الوهاب والفنانة أنغام، خلال الفترة الماضية، عن أيهما تستحق لقب صوت مصر.
وتحدث عمرو مصطفى، خلال لقائه في برنامج «ET بالعربي»: «الاثنين صوت مصر بصراحة لأن ليهم تاريخ فمتقدرش تحدد لكن الشعوب هي اللي حددت وبتقول ده يلقب بإيه»
وعن أعماله الفنية الجديدة المقرر طرحها خلال الفترة المقبلة أكد عمرو مصطفى، انه يتفرغ حاليًا لمشاريعه الفنية الخاصة به، مضيفًا: «أنا فاضي للمشروعات بتاعتي، وأي مطرب هيطلب مني أغنية يديني صوته، وأنا اللي بنتج لي شكل الأغنية، ومش هلحن أغاني تاني لحد إلا بشرط لو هيدفع فلوس كتيرة جدًا».
عمرو مصطفى والذكاء الاصطناعي
وكان الفنان عمرو مصطفى، قد أعلن في وقت سابق عن مسابقة لنجوم الزمن الجميل عبر الذكاء الاصطناعي، وقال خلال لقائه في برنامج «et بالعربي»: «أنا شايف أن ورثة كل العظماء اللي توفوا جاتلهم الفرصة إنهم يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية».
وأضاف: «مش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية».
